Туркистон вилоят маслаҳати раиси Н. Абишов раҳбарлигидаги бир гуруҳ депупатлар “Turkestan-Arena” ўйингоҳи фаолияти билан танишди. Вилоят жисмоний тарбия ва спорт бошқармаси раҳбари Қ. Жўлдиқараев ҳамда мазкур муассаса директори Б. Нурманов спорт соҳасида амалга оширилаётган тадбирлар ҳақида баён қилди.

Халқ ноиблари ўйингоҳнинг асосий қисми 7000 ўринга мўлжалланган футбол майдони, шунингдек, гимнастика, акробатика, бокс, оғир атлетика ҳамда йогага мўлжалланган залларни кўздан кечириб, соҳа ходимлари билан фикр алмашди. 

Ўз навбатида, муассаса директори Б. Нурманов депутатларга футбол майдонининг дренаж тизимини созлаш ҳамда майдонни иситиш тизимини ўрнатиш борасида олиб борилаётган ишлар билан таништирди. Шунингдек, Б. Нурманов UEFA талабига кўра, 12 000 томошабинга мўлжалланган футбол майдонларидагина халқаро футбол ўйинларини ўтказишга рухсат берилганини айтиб, “Turkestan-Arena”нинг ўнг ва чап томондаридаги очиқ жойларга 5000 томошабинга мўлжалланган ўриндиқлар қўшиш масаласи кўтарилди.

Шунингдек, муассаса раҳбари спортчи болаларни мусобақаларга тайёрланиш ҳамда спорт залларида ўсмирлар спортнинг бир неча турлари билан шуғулланиши учун “спорт инструктори” штатларини “мураббий” штатига алмаштиришга ёрдам беришни илтимос қилди.

Депутатлар замонавий жиҳозланган ўйингоҳга юксак баҳо бериб, келгусида минтақа минтақа спорти тимсолига айланадиган муассасанинг равнақига ҳисса қўшишга ва уни имкон қадар қўллаб-қувватлашга тайёр эканликларини маълум қилишди.