Ижтимоий тармоқларда доривор гиёҳ – коврак илдизининг ноқонуний равишда қазиб олинаётгани ҳақида хабарлар тарқалгач, Арис шаҳар ҳокимлиги ҳузурида ишчи гуруҳи ташкил этилди. Махсус гуруҳ ижтимоий тармоқларда тарқалган ахборотнинг асоссиз эмаслигини тасдиқлади. Воқеа жойида, Тожикистон Республикаси фуқаролари очиқ далада чодирлар ўрнатиб, ўчоқларни тайёрлаб, доривор гиёҳни қазиб олишга тайёргарлик кўришаётган экан. У халқ орасида шифобахшлиги билан машҳур.
Ер муносабатлари бўйича мутахассислар шуни аниқлашдики, ноқонуний хатти-ҳаракатлар юз берган ҳудуд Ўтрор туманига қарашли қишлоқ хўжалигига мўлжалланган яйлов ерлари эди. (1206 гектар майдон, кадастр рақами: 19294055397).
Арис туман полиция бўлими раҳбари Ж. Ахметов раҳбарлигида воқеа юз берган жойга зудлик билан етиб келган гуруҳ хорижлик фуқароларни ва уларнинг ашёвий далилларини Ўтрор туман полиция бўлимига етказди.
Арис шаҳри ҳокимининг ўринбосари Е. Қуандиқ раҳбарлигидаги ишчи гуруҳи Ўтрор тумани ҳокимлигига хизмат хатини йўллади.
Айни пайтда Арис шаҳар ҳокими Г. Қурманбекова қишлоқ округлари ҳокимларига топшириқ бериб, Арис ҳудудидаги ёввойи ҳолда ўсувчи доривор гиёҳларнинг ҳимоясини кучайтиришни тайинлади.
Дарвоқе, коврак (халқ тилида улжан ва сассиқ коврак турлари мавжуд) ўсимлигининг ҳиди бадбўй бўлса-да, ошқозон, ички органлар хасталиклари, бўғинларни, ревматизмни даволашда жуда фойдали.