Туркистондаги “Буюк Дашт эли” марказида “Этнослараро муҳитда тўқнашув ҳолатларининг олдини олиш масалаларига бағишланган уч кунлик семинар-тренинг ўтмоқда.

Вилоят ижтимоий тараққиёт бошқармасининг “Жамоат тотувлиги” ДКК томонидан ташкил этилган семинар-тренингда туман, шаҳар прокурорлари, ҚР миллий хавфсизлик қўмитасининг Туркистон вилояти бўйича департаменти бўлимлари раҳбарлари, туман, шаҳар ҳокимлари, полиция бўлимларининг раҳбарлари, вилоят прокурорининг катта ёрдамчиси – гуруҳ раҳбари Ербўл Турсинбаев, шунингдек, туман, шаҳар прокурорлари иштирок этмоқда. Мазкур тадбирни вилоят ҳокимининг ўринбосари Бейсенбай Тажибаев олиб борди.

У ўз сўзида тараққий этган мамлакатларда медиация институтига алоҳида эътибор қаратилаётгани, бу борада минтақада этномедиация хизматини жадаллаштиришда тизимли ишлар амалга оширилаётганини таъкидлади.

Семинарда таъкидланганидек, бугунги кунда Туркистон вилояти ҚХА қошида ташкил этилган Медиация кенгаши таркибида 19 нафар аъзо бор ҳамда 56 нафар касбий ва ижтимоий медиатор фаолият юритмоқда. Ўтган йили минтақада этнос вакиллари иштирокида 192та ҳодиса юз берган бўлса, унинг 156таси медиация йўли билан ижобий ҳал этилган.

Жорий йил бошидан 41 ҳодиса рўйхатга олиниб, унинг 28таси медиация тартибида ижобий ҳал этилди.