Жорий йил вилоятимизда “Минтақавий иш ўринларини ташкил қилиш харитаси” доирасида 130769 иш ўрни очиш режаланган. Жумладан, 83554таси – доимий, 47215таси эса мавсумий иш ўрни. Вилоят ҳокими Нуралхан Кўшеровнинг топшириғига мувофиқ, соҳадаги ишлар қатъий назоратга олинган.

Вилоят ҳокимининг ўринбосари Бейсенбай Тажибаев раислигида ўтган кенгайтирилган мажлисда аҳолини иш билан таъминлашни мувофиқлаштириш ва ижтимоий муҳофаза соҳасида 2025 йилнинг 4 ойида амалга оширилган ишларнинг ҳисоботи тингланди. 

Мажлисда Меҳнатга жалб этиш маркази директори Абзал Қазанқапов бандлик соҳасида сўнгги 4 ойда бажарилган ишлар юзасидан ҳисобот берди. Унинг маълум қилишича, ишсиз фуқароларни доимий иш билан таъминлаш доирасида 7883 иш ўрни очиш режаланган, 12031 иш ўрни очилган. “10 минг аҳолига 100 янги иш ўрни” лойиҳаси доирасида 1747 иш ўрни фаолиятини бошлади. Миллий лойиҳалар доирасида 321 фуқаро иш билан таъминланди. Чунончи, Тулкибош, Тўлебий, Қазиғурт, Ўтрор туманларидаги ҳолат қониқарли эмас. Бу йил субсидия ажратилган иш ўринларига 32465 фуқарони йўллаш режаланган бўлса, бугунги кунда 19447 фуқаро йўлланган.

Мажлис якунида вилоят ҳокимининг ўринбосари соҳадаги ишларни жонлантиришни топшириб, мутасаддилар зиммасига қатор топшириқлар юклади.