26 март 2017 йил
booked.net
+12
°
C
+12°
+
Шымкент
Четверг, 06
Прогноз на неделю
1991 йил 1 апрелдан чиқа бошлаган Туркистон вилоятининг ижтимоий-сиёсий газетаси
Биз ижтимоий тармоқдамиз:
+7(7252) 53-93-17, 53-92-79. janubiy@inbox.ru
+ 7(747) 701-50-55
+ 7(747) 701-50-55
Туркистон ёшларига – янги бино

Туркистон шаҳрида янги «Ёшлар маркази» биноси фойдаланишга топширилди. Унинг очилиш маросимида иштирок этган вилоят ҳокими Дархан Сатибалди туркистонлик ёшларга замонавий марказ калитларини топшириб, уларнинг барча ташаббусларига муваффақиятлар тилади.

– Бугун мамлакатимизда ҳар бир соҳада кенг кўламли ислоҳотлар амалга оширилиб, жамиятдаги долзарб муаммоларни бартараф этиш борасидаги ишлар жадал олиб борилмоқда, ёшларнинг ҳар томонлама баркамол инсон сифатида вояга етиши ва таълим-тарбия олиши учун шароитлар яратилмоқда. Қозоғистонда истиқлолнинг дастлабки йилларидан бошлаб халқимизнинг асрлар давомида интилиб келган орзу-мақсадлари ва замон талабларини, дунёвий тараққиёт мезонларини инобатга олган ҳолда, жамият ҳаётида ёшлар масаласига алоҳида эътибор қаратилди. 2023 йилда ёш авлодни қўллаб-қувватлаш, манфаатларини таъминлаш соҳасида юртимиз тарихида кузатилмаган кенг қамровли ишлар амалга оширилди. Албатта, бу жадал демократик тараққиёт йўлини танлаган ватанимиз учун мутлақо табиий ҳолдир. Чунки илм-фан ва технологиялар жадал ривожланаётган дунёда рақобат ортиб бораётган бир шароитда мамлакатларнинг тақдири ёшларнинг заковат салоҳияти, истеъдодига боғлиқ бўлиб қолмоқда. Президентимизнинг «Адолатли Қозоғистоннинг иқтисодий йўналиши» Мактубида ёшларга оид давлат сиёсатини янги босқичга олиб чиқиш, ёшлар билан ишлаш борасидаги муаммоларга самарали ечимлар топиш юзасидан аниқ вазифалар белгилаб берилган эди. 

Ўтган давр мобайнида амалга оширилган ишлар айни шу вазифалар ижросига қаратилди. Туркистон вилояти демографик ўсиш суръати юқори бўлган ҳудуд. Минтақада 14-35 ёшли йигит-қизлар сони 663 минг кишидан ошиб, аҳолининг 30 фоизини ташкил этади. Туркистон шаҳрида бугунги кунда 72 мингга яқин ёшлар истиқомат қилади. Бу улкан демографик гуруҳ ва инсон капитали. Бу йил Туркистон вилоятига 6 йил тўлди. Шу қисқа давр мобайнида вилоятимиз марказида ёшларга қулай шароитлар яратиш мақсадида кўплаб маданият ва спорт иншоотлари барпо этилди. Шулардан бири бугун Туркистон шаҳрида фойдаланишга топширилаётган “Ёшлар имконият маркази биноси”. Ишончим комилки, бу бино Туркистонлик ёшларни илҳомлантирадиган, юртга хизмат қилаётган йигит-қизларни бирлаштирадиган марказ сифатида хизмат қилади. Ёшлар биноси фаол марказга айлансин! – деди вилоят раҳбари.

Ушбу иншоот маҳаллий бюджет маблағлари ҳисобидан барпо этилди. Меъморчиликнинг замонавий намуналари ва муҳташамлик уйғунлашган бино кунига 100дан зиёд ёшларга хизмат кўрсатади. Бу ерда уларнинг заковатини юксалтириш, соғлом турмуш тарзини қарор топтириш, бунёдкорлик билан шуғулланиши учун барча шароитлар яратилган. Марказ махсус дам олиш маскани, турли ўйин майдонлари, электрон кутубхона, тўгарак хоналари, кичик спорт зали ва кўп тармоқли хоналар билан жиҳозланган. Кўнгиллилар учун катта зал ва кинотеатр ҳам мавжуд. Бундан ташқари, "Ёшлар маркази"да амфитеатр барпо этилмоқда.

Туркистон шаҳрида истиқомат қиладиган 14-35 оралиғидаги ёшлар сони 71 486 нафарни ташкил этади. Шаҳардаги 2та олий ўқув юртида 12265 нафар талаба таҳсил олмоқда. 8та ўрта махсус таълим юртларида 7441 нафар йигит-қиз касб эгалламоқда. Туркистон шаҳридаги умумтаълим мактабларда 7-11-синфларда 18844 нафар ўқувчи таҳсил олмоқда.

Вилоят ҳокимининг матбуот хизмати, 2024-06-27, 21:17 416
Сўнгги янгиликлар
Мавзуга оид янгиликлар


Газетанинг янги сони
Хамкорлар
Газета тарихи Давлат хариди Тахририят
Манзилимиз: 16000, Шимкент шаҳри, Диваев кўчаси, 4-уй, 4-қават.
Газета ҚР Маданият ва ахборот вазирлиги томонидан 2010й.26майда рўйхатга олиниб.10957-Г гувоҳнома берилган.
Муассис--Туркистон вилояти хокимлиги.
Ношир--"Жанубий Қозоғистон"вилоят ижтимоий-сиёсий газетаси таҳририяти масъулияти чекланган биродарлиги.
©Нашримиздан кўчириб босилганида "Жанубий Қозоғистон газетасидан олинди", манбага юкланиши шарт. Ахборотдан парча олинганда ҳам ҳавола келтирилиши шарт. Ёзма рухсат берилмаса,материалларни тижоравий мақсадларда қўлланиш ман этилади. Барча ҳуқуқлар ҳимояланган.
©Мулк эгаси-"Жанубий Қозоғистон"газетаси.