Вилоятимизда аҳоли мурожаатлари босқичма-босқич ҳал этилмоқда. Минтақа раҳбари Дархан Сатибалди навбатдаги шахсий қабулини ўтказиб, фуқароларнинг мурожаатларини тинглади.

Сайёр қабулда вилоят раҳбарига фуқаролар томонидан йўлланган мурожаатлар тегишли тартибда муҳокама этилиб, уларга доир тушунчалар берилди.

Қабулга келган барча фуқароларга ўз муаммоларини ҳуқуқий жиҳатдан ҳал этиш юзасидан кўрсатмалар берилди. 

Эркин шаклда ўтказилган қабулда фуқароларнинг аксарияти шахсий масалалар билан мурожаат қилишди. Бошпана масаласини кўтарганлар, ижтимоий ёрдам сўраганлар ҳам бўлди. Шунингдек, сайёр қабул давомида фуқаролар томонидан иш билан таъминлаш, ички йўллар ва кўприк таъмирлаш масаласида қилинган мурожаатлар ўрганилиб, тегишли масъулларга йўналтирилди ҳамда ижроси назоратга олиниши алоҳида таъкидланди.

Сайёр қабулда ҳуқуқ-тартибот идоралари, тегишли идоралар раҳбарлари, масъул мутахассислар муаммони мақбул ҳал этишда иштирок этди.

Аҳоли муаммолари юзасидан вилоят ҳокимига egov.kz портали, ягона электрон маълумотлар базаси орқали киритилиб, ҳокимга ёзма равишда мурожаат қилинганлиги юзасидан тегишли топшириқлар берилди.

Эслатиб ўтамиз, вилоят ҳокимининг шахсий қабулига ёзилиш Туркистон вилояти ҳокими девонининг аризалар билан ишлашни назорат қилиш бўлими томонидан амалга оширилади.