Туркистон вилоятида эпидемиологик вазият барқарор. Минтақада карантин чекловлари босқичма-босқич юмшатилмоқда. Сўнгги икки ҳафтада коронавирусга чалиниш  ҳолатлари 16,3 фоизга, пневмония билан касалланиш кўрсаткичи эса 47,5 фоизга пасайди. Буни вилоят бош санитар шифокори Нурбек Нишанов маълум қилди.
– 27 сентябрдан кучга кирган қарорга кўра, “хавфсиз” мақомига эга ходимлар ва меҳмонлар 50 фоиз сиғимликдан ошмаган ҳолда 100 нафар келувчидан ортмай, оилавий тантаналар ва тўйлар ўтказишга, анжуман ва форумлар уюштиришга рухсат берилди. “Ashyq” лойиҳасида иштирок этмайдиган иншоотларда юқорида қайд этилган тадбирлар ўтказиш тақиқланади. Бундан ташқари, авваллари дам олиш кунлари юриши ман этилган жамоат транспортлари шанба, якшанба кунлари ҳам хизмат кўрсатади, – деди Нурбек Садиқбекули.
Янги қарорда сиғимлилиги 70 фоиздан ошмайдиган кўргазма ўтказиш мумкин дейилган. Очиқ ҳавода 1000 одамдан оширмаган ҳолда марафон, спорт тадбирлари эса сиғими 80 фоиздан оширилмаган ҳолда ўтказилиши зарур.
Вилоят бош шифокорининг ўринбосари Алтин Мейрамбекқизининг айтишича, вилоятимизга коронавирусга қарши вакцинанинг 908630 дона биринчи компоненти, 813470 дона иккинчи компоненти етказилган. Бугунги кунда вилоят аҳолисининг 95 фоизи биринчи компонентини, 76,8 фоизи эса иккинчи компонентини олган.