Туркистон вилоятининг таълим соҳасини ривожлантиришга ҚР Маориф вазирлиги алоҳида этибор қаратмоқда. Вазир Ғани Бейсембаев томонидан минтақага махсус гуруҳ сафарбар қилиниб, мунтазам равишда услубий ёрдам кўрсатиб келинмоқда. 

2023 йил якунида вилоят ҳокими Дархан Сатибалдининг илтимосига кўра, Маориф вазирлиги вилоятга махсус гуруҳ йўллаб, дастлаб Мақтаарал, Чордара, Сариоғоч туманлари ҳамда Арис, Туркистон шаҳарларидаги таълим муассасаларида қатор тизимли камчиликларни аниқлади. Соҳа мутахассислари билан мониторинг тадбирларини давом эттириб, 12 туманда тадқиқот ишлари юритилиб, махсус Йўл хариталари ишлаб чиқилди. Камчиликларни бартараф этиб, таълим соҳасини яхшилаш учун қатор ташаббуслар йўлга қўйилди. 

Вилоятнинг таълим соҳасига доир муҳим масалаларга бағишланган кенгаш ўтди. Уни вилоят ҳокимининг ўринбосари Бейсен Тажибаев олиб борди. Мониторинг натижаларига мувофиқ, таълим сифатини ошириш юзасидан таклифлар билдирилди.

Ҳозирги кунда 1028та таълим муассасасининг тараққиёт дастури ишлаб чиқилиб, амалга татбиқ этилмоқда. Муаллимларнинг рақамли саводхонлигини ривожлантириш учун “Coursera (КУРСЕРА) BilimCenter.kz” рақамли платформаларда 32 451 нафар фан ўқитувчиларини ўқитиш режаланган. Бугунги кунда Яссавий номидаги ХҚТУ негизида “КУРСЕРА” маркази очилди.