Туркистон шаҳридаги “Конгресс Холл” маданият мажмуасида Қозоғистон мусулмонлари диний бошқармаси ташкилотчилигида Қуръони Каримни ёддан ва ифодали ўқиш бўйича Х республика танлови ниҳоясига етди.
Қозоғистон бўйича 74 номзод иштирок этган танлов ғолиби билан совриндорларни тақдирлаш маросимига ҚМДБ раиси, Бош Муфтий Науризбай ҳожи Тағанули, Туркистон вилоятининг нуроний отахонлари, шунингдек, ҳидоят илми  жонкуяри, танлов ҳомийси  Бахаридин Аблязимовлар иштирок этишди.
Бу йил элимиз Мустақиллигининг 30 йиллиги шарафига уюштирилган қорилар танловининг мукофот жамғармаси ҳар қачонгидан  ҳам салмоқли бўлди. Хусусан, бош соврин соҳибига йўл танламайдиган ҳорижий автомашина  берилса, 30 пора бўйича финал босқичга йўлланма олган 5 қорининг икки нафарига  рағбатлантириш мукофоти сифатида умра сафарига йўлланма берилди. Шунингдек, 20 пора бўйича файзли ўтган танловнинг  тўртинчи ва бешинчи ўрин соҳибларига ҳакамларнинг ҳайъати билан рағбатлантириш мукофоти топширилди.
Ҳакамлар ҳайъати қарори билан 4 атама бўйича ғолиблик шоҳсупасидан кўринган қориларга “Ифодали ўқиш”, “10 пора”, “20 пора” бўйича пул мукофоти берилди. “30 пора” бўйича Бош совринга сазовор бўлган шимкентлик Алибек Жалиев енгил автомашина минди. Совринли иккинчи ўринни эгаллаган алматилик Мансурхан Сарварханули 3 млн. тенге соҳиби бўлса, учинчи ўринни эгаллаган туркистонлик Ниғматуллоҳ Абдазимов 2 млн.  тенге пул мукофоти билан тақдирланди. Тўртинчи, бешинчи ўринга муносиб топилган ақмўлалик Абуали Қалпашев ва  ақтўбелик Бекзат Тасбўлатовга кичик ҳожиликка йўлланма берилди.
Бош Муфтий ғолиблар билан бирга танловга ҳакамлик қилган элимизга таниқли қорилар Садуақас Ўлжабай (раис), Камилжан Юлдашули, Данияр Жумабай, Ерсин Амре билан Жуманазар Садирхановга  ташаккур изҳор этиб, мукофотлади.