ТУРКИСТОН: УЛУҒ ВАТАН УРУШИ ФАХРИЙЛАРИ ЎЗ ВОРИСЛАРИГА «ОМОНАТ МАКТУБИ»НИ ТОПШИРИШДИ

«Бизнинг сафларимиз камайиб бормоқда, биздан кейин урушнинг барча даҳшатларига гувоҳ бўлган фақат Афғонистон уруши фахрийлари. Улуғ Ватан уруши қатнашчилари ўз ватанини босқинчилардан ҳимоя қилиш учун урушга кетишди. Бу воқеалар ҳануз собиқ Иттифоқ ҳудудида истиқомат қилувчи минглаб одамлар хотирасида, улар фронтда ҳалок бўлган юртдошларимиз руҳи олдида таъзим қиладилар.
Аммо афғон уруши фахрийлари ҳам – бутун бир давр, миллионлаб одамларнинг тақдири, ўз ҳарбий ва жанговар бурчини шараф билан бажарган аскарлардир. Ахир улар орасида уйларига қайтганлари ҳам, жанг майдонларида қолиб кетганлари, тинчлик учун курашда қаҳрамонларча жонини фидо қилганлар ҳам бор эди. Бугунги кунда уларнинг тинчлик ва осойишталикни асраш йўлидаги матонати, Ватан учун жонини тиккан фарзандларимиз хотирасини эҳтиром ила ёдга олиш, асраб-авайлаш – авлодларнинг муқаддас бурчидир.
«Биз, Улуғ Ватан уруши фахрийлари, уларни уруш иштирокчилари дея эътироф этиб, «Омонат мактуби»ни қолдирмоқчимиз. Уларнинг Ватан равнақи йўлидаги ҳаёти ёш авлодга ўрнак бўлишга, мана шу мураккаб замонавий дунёда ибрат бўлишга лойиқдир.
Шундай дея, Туркистон вилоятида истиқомат қилувчи Улуғ Ватан уруши фахрийлари афғон уруши фахрийларига «Омонат мактуби»ни топширишди.
Туркистон вилоят фахрийлар кенгаши раиси Женисбек Мауленқулов, Туркистон вилоят оқсоқоллар кенгаши раиси Жарилқасин Азретбергенули, Туркистон шаҳар фахрийлар кенгаши раиси Жарқинбек Қулбайимбетов ва Туркистон шаҳар оналар кенгаши раисаси Улжалғас Мустафаева қутлов сўзи билан минбарга чиқишди.
Учрашувда қаҳрамонлик ва мардлик, шараф ва олижаноблик каби тушунчалар авлоддан-авлодга мерос сифатида ўтиши зарурлиги таъкидланди.
Улуғ Ватан уруши фахрийларининг «Омонат мактуби» Туркистон вилоят «Афғонистон уруши фахрийлари ва ногиронлари кенгаши” жамоат бирлашмаси раиси Турғанбек Бегимовга тантанали равишда топширилди.
Афғон уруши фахрийлари ўз бурчлари, «Омонат мактуби»даги кекса авлод панду-насиҳатларига содиқ қолишга ва кекса авлоднинг ишончини оқлашга ваъда беришди.
Тадбир сўнгида Nur Otan партияси Туркистон вилоят филиали, Туркистон вилоят фахрийлар кенгаши ва Туркистон вилоят Афғон уруши қатнашчилари ҳамда ногиронлари кенгаши ўртасида меморандум имзоланди.