ҚР Президенти Бош вазирни қабул қилди

Президент Қасим-Жўмарт Тўқаевга 2022 йилнинг январь-июль ойларидаги мамлакатни ижтимоий-иқтисодий ривожлантириш якунлари ҳақида маълумот тақдим этилди.

Алихан Смаиловнинг сўзларига кўра, ушбу даврда ички ялпи маҳсулот ўсими 3,2 фоизни ташкил этди. Маҳсулот ишлаб чиқариш 3,3 фоизга, хизматлар кўрсатиш 2,4 фоизга ўсди.

Қурилиш, савдо, ишлаб чиқариш, шунингдек, транспорт ва алоқа соҳаларида сезиларли ўсиш кузатилмоқда.

Бош вазир Давлат раҳбарига ижтимоий аҳамиятга молик озиқ-овқат маҳсулотлари нархини чеклаш бўйича Ҳукумат чора-тадбирлари ҳақида маълумот берди.

Ҳукумат 2022-2024 йилларга мўлжалланган озиқ-овқат хавфсизлиги режасини амалга оширмоқда.

Бош вазир инфляция даражасини пасайтириш, иқтисодиётни танҳо ҳокимликдан чиқариш, мамлакатнинг транзит-транспорт салоҳиятини ривожлантириш чора-тадбирлари тўғрисида ҳисобот берди.

Алихан Смаиловнинг айтишича, мамлакатда умумий қиймати 22,2 триллион тенгелик сармоявий лойиҳалар амалга оширилмоқда.

Ҳукумат раҳбари Президентга 2023-2025 йилларга мўлжалланган Қозоғистонни ижтимоий-иқтисодий ривожлантириш режасини тақдим этди.

Президент иқтисодиётни таркибий ўзгартиришлар ва монополиядан чиқаришни давом эттириш, тадбиркорликни қўллаб-қувватлаш зарурлигини таъкидлади.

Шунингдек, у аҳоли даромадларини оширишни таъминлаш муҳимлигини таъкидлади.