Вилоят аҳолисининг 80 фоизи қишлоқларда истиқомат қилади. Шу боис, қишлоқларни зарур инфратузилма билан таъминлаш – устувор йўналишлардан бири. Вилоятда бир йилда 10та аҳоли манзилидаги 9 минг нафар фуқаро ичимли сув билан таъминланди. Шунингдек, 10та аҳоли манзилидаги эскирган сув қувурлари янгиланди.

Давлат раҳбарининг топшириғига кўра, 2025 йил якунигача вилоят аҳолиси 100 фоиз ичимли сув билан таъминланиши зарур. Вилоят ҳокими Дархан Сатибалдига бу борада амалга оширилаётган ишлар ҳақида маълумот берилди. Вилоятдаги 720та аҳоли манзили ичимли сув билан таъминланган. Йил охиригача 16та аҳоли манзилида сув қувурлари тортилади.

Аҳоли манзилларини узлуксиз ва сифатли ичимли сув билан таъминлаш мақсадида ер ости сувлари манбаларини қидиришни амалга оширувчи ваколатли органлар томонидан тегишли ишлар олиб борилмоқда. Бу масала бўйича вилоят энергетика ва уй-жой коммунал хўжалиги бошқармаси раҳбари Руслан Муздибеков ҳисобот берди.

Минтақада аҳолини марказлаштирилган ичимли сув билан таъминлаш борасида тизимли ишлар амалга оширилмоқда. 5 йилда марказлашган ичимли сув билан таъминланган аҳоли манзилларининг умумий сони 720тага етиб, (7та шаҳар, 713та қишлоқ) яъни 86,4 фоизни ташкил этмоқда. Натижада 2025,3 минг одам сифатли ичимли сув билан таъминланган.