Давлат раҳбари Қасим-Жўмарт Тўқаев топширган Президентнинг «АЛТЫН САПА» мукофоти ғолиблари МДҲ давлатларининг маҳсулот ва хизматлар сифати бўйича танловида иштирок этади.

Жорий йилда республика бўйича 221 корхона «АЛТЫН САПА» мукофоти танловига ариза топширди. Унда Туркистон вилоятидан иштирок этиб, ғолиб бўлган 2та корхонага ушбу мукофот топширилди. Булар – сутни қайта ишлаш ва сут маҳсулотлари ишлаб чиқарувчи “AYKAN” МЧБ ва мебель ишлаб чиқарувчи “Asia Brand” корхоналари. 

Сайрам тумани, Оқсувкент қишлоғидаги “AYKAN” масъулияти чекланган биродарлигида мамлакатимиз тимсолига айланган “Эмир” ва “Elita” пишлоқлари ишлаб чиқарилмоқда. 80 нафар одамни иш билан таъминлаётган, ўтган йили “Қозоғистоннинг энг яхши маҳсулоти” кўргазма-танловининг республика босқичи ғолиби бўлган корхонага Алмагул Айқан раҳбарлик қилмоқда.

150га яқин киши меҳнат қилаётган “Asia Brand” ҲЖ вилоят марказида йилига 22 мингта ошхона ва ётоқхона мебеллари, Туркистон шаҳри брендига айланган шкафлар ишлаб чиқарилмоқда. Компания ўз маҳсулотларини сотиш учун Қозоғистоннинг барча йирик шаҳарларида 14та шохобча очган, шунингдек, жиҳозларни Ўзбекистон ва Россияга экспорт қилмоқда.