26 март 2017 йил
booked.net
+12
°
C
+12°
+
Шымкент
Четверг, 06
Прогноз на неделю
1991 йил 1 апрелдан чиқа бошлаган Туркистон вилоятининг ижтимоий-сиёсий газетаси
Биз ижтимоий тармоқдамиз:
+7(7252) 53-93-17, 53-92-79. janubiy@inbox.ru
+ 7(747) 701-50-55
+ 7(747) 701-50-55
Тадбиркорликка жўшқинлик бағишлаган лойиҳа

Бош вазир маслаҳатчиси Ерали Тўғжанов махсус хизмат сафари билан Туркистон вилоятига келди.

 Сафар давомида у вилоят ҳокими ўринбосари Бейсенбай Тажибаев билан бирга маҳаллий тадбиркорлар билан учрашди. “Қишлоқ омонати” дастури орқали иш бошлаган фуқароларнинг фаолияти билан танишиб, корхона соҳибларининг мурожаатларини тинглади. 

Дастлаб, Ерали Тўғжанов Саврон тумани, Янги Иқон қишлоқ округига қарашли Ибота аҳоли манзилидаги Жасур Мўминовнинг балиқчилик хўжалиги билан танишди. Жасур фаолиятини 2023 йилда “Қишлоқ омонати” давлат дастури кўмагида бошлаган. Ишбилармон 2,5 фоиз билан 8,5 млн. тенге насия олган. Бугунги кунда 240 квадрат метр жойдаги 4та ҳовузда балиқнинг олабалиқ турини етиштирмоқда. У йилига 4 тонна балиқ етиштиришни кўзлаган. 4 киши меҳнат қиладиган хўжалик фаолиятини кенгайтиришни режалаштирмоқда.

Бош вазир ўринбосари Эски Иқон қишлоғидаги Моҳина Муслимованинг новвойхонасига борди. У ушбу лойиҳанинг 6-йўналиши бўйича 7 млн. тенге насия олиб, фаолиятини бошлаган. Новвойхонада бир кеча-кундузда 1600та нон ёпилади. Бир йил аввал иш бошлаган тадбиркор бугунги кунда 10 хил қандолатчилик маҳсулотларини ҳам пиширмоқда. 

Вилоятимизга хизмат сафари давомида Е. Тўғжанов Ўранғай қишлоғида “Қишлоқ омонати” дастури доирасида амалга оширилаётган ишлар билан ҳам танишди. Хусусий тадбиркор Нигора Саидхўжаева 5 млн. тенге имтиёзли насия олиб, 0,80 гектар ерда иссиқхона ташкил қилган. Томчилатиб суғоришни йўлга қўйган тадбиркор йилига 4 тонна бодринг етиштиради. 

Е. Тўғжанов 7 млн. тенге имтиёзли насия олган Баҳодир Исроиловнинг бўрдоқичилик фермасига ҳам борди. “Рустамбек” деҳқон хўжалиги эса 3та қишлоқ хўжалиги техникасини харид қилиб, деҳқончилик билан шуғулланмоқда. Хўжаликда йилига 120 тонна буғдой, 100 тонна полиз маҳсулотлари етиштирилади. Тадбиркор ҳамқишлоқларига пулли хизматларни кўрсатиб, қўшимча даромад олмоқда. 

“Аҳолининг ўз ишини очиш” йўналиши бўйича 5 млн. тенге маблағ олган Бобир Носиров 300 кв.метр майдонда пайвандлаш цехини ташкил этган. Замонавий технологиялар билан жиҳозланган цех йилига 3000та темир эшик ва стол ишлаб чиқариш қувватига эга. Бу ерда 12 киши доимий иш билан банд. 

Бош вазир маслаҳатчиси Е. Тўғжанов минтақадаги ишларни ижобий баҳолаб, лойиҳани давом эттириш, илғор тажрибаларни татбиқ этишни топширди.

2024-06-27, 21:16 926
Сўнгги янгиликлар
Мавзуга оид янгиликлар


Газетанинг янги сони
Хамкорлар
Газета тарихи Давлат хариди Тахририят
Манзилимиз: 16000, Шимкент шаҳри, Диваев кўчаси, 4-уй, 4-қават.
Газета ҚР Маданият ва ахборот вазирлиги томонидан 2010й.26майда рўйхатга олиниб.10957-Г гувоҳнома берилган.
Муассис--Туркистон вилояти хокимлиги.
Ношир--"Жанубий Қозоғистон"вилоят ижтимоий-сиёсий газетаси таҳририяти масъулияти чекланган биродарлиги.
©Нашримиздан кўчириб босилганида "Жанубий Қозоғистон газетасидан олинди", манбага юкланиши шарт. Ахборотдан парча олинганда ҳам ҳавола келтирилиши шарт. Ёзма рухсат берилмаса,материалларни тижоравий мақсадларда қўлланиш ман этилади. Барча ҳуқуқлар ҳимояланган.
©Мулк эгаси-"Жанубий Қозоғистон"газетаси.