Вилоятимизда сув тошқини хавфи мавжуд ҳудудларда махсус тадбирларни амалга ошириш учун барча куч ва воситалар олдиндан шакллантирилди. 

Куннинг исиб кетиши, бир неча кундан буён ёққан ёмғир, қорнинг эришидан дарё-анҳорларда сув сатҳи кўтарилмоқда. Шу муносабат билан, селнинг олдини олиш ишлари кучайтирилмоқда. 

Вилоят ҳокими Дархан Сатибалди Саврон туманидаги сув тошқини хавфи мавжуд жойларни оралаб, мутасадди раҳбарларга аниқ топшириқлар берди. Ҳоким Сирдарё бўйида яшовчи аҳоли билан мулоқотда бўлди. 

Вилоят Фавқулодда вазиятлар депатаментида тезкор штаб ташкил этилди. Уй-жойларни сув босишнинг олдини олиш мақсадида, ФВ департаменти ва маҳаллий ижро органлари ёмғир сувини тортиш ишларини давом эттирмоқда. Тошқиннинг олдини олиш учун тўғонлар барпо этилиб, сув йўналиши хавфсиз томонга бурилмоқда. Бундай ҳудудларга махсус техникалар, асбоб-ускуналар, инерт материаллар жойлаштирилган ва у ерлар ваколатли идоралар назоратида. Асосийси, сув тошқини пайтида, аҳолини эвакуация қилиш учун жой тайёр. 

Мутахассисларнинг огоҳлантиришича, март ойида ёғингарчилик миқдори вилоятнинг барча ҳудудларида меъёридан ортиқ бўлади.