Минтақа раҳбари Дархан Сатибалди бошчилигидаги Туркистон вилояти делегацияси Жанубий Кореяга хизмат сафари билан борди. 

Ташриф доирасида минтақа делегацияси Қозоғистоннинг Кореядаги элчиси Нурғали Аристанов ҳамда Корея халқаро савдо уюшмаси президенти Юн Жин билан мулоқотда бўлдилар. Томонлар ўзаро муносабатларни ривожлантиришга қаратилган муҳим масалаларни муҳокама қилиб, ҳамкорлик юзасидан музокаралар олиб боришди.

KITA қарийб 80 йиллик тарихга эга бўлган етакчи бизнес ташкилот бўлиб, Корея кичик ва ўрта бизнесининг ташқи бозорларга чиқишига кўмаклашмоқда ва мамлакатда савдо-сотиқ тараққиётига ҳисса қўшмоқда. 70 мингдан ортиқ компанияни бирлаштирган Кореянинг энг йирик бизнес ҳамжамияти дунёнинг 66 давлатидаги 232та ташкилот билан ҳамкорлик қилади. Ҳамжамиятнинг Қозоғистондаги ҳамкорлари “Қозоғистон ташқи савдо палатаси” ва “Kazakh Invest” МК ҳисобланади.

KITA фаолиятига хорижий маркетинг ва сармояларни қўллаб-қувватлаш, халқаро ҳамкорликни рағбатлантириш, савдо маълумотлари ва тадқиқотларини тақдим этиш, халқаро савдо соҳасида мутахассисларни тайёрлаш ва тегишли маслаҳатлар киради.

 Корея халқаро савдо ҳамжамияти заргарлик буюмлари, ичимликлар индустрияси, косметология, озиқ-овқат саноати, уй-рўзғор буюмлари, гўзаллик салонлари, уй безаклари ишлаб чиқариб ҳамда  эстетик тиббиёт соҳаларида фаолият юритади.