Сайрам туманида стол теннисидан 2006-2009 ва 2010 йилдан кейин туғилган ўғил болалар ва қизлар ўртасида “Aksukent Open” республика турнири бошланди. Мусобақанинг очилиш маросимида туман ҳокими Арман Сабитов иштирок этиб, ушбу спорт турининг аҳамиятига тўхталди. Элимизда оммавий спортни ривожлантиришга ҳисса қўшаётган ёшларга муваффақият тилади.

Бундан ташқари, Кўлкент қишлоғида истиқомат қилувчи, имконияти чекланганлигига қарамай, стол теннисидан кўп йиллардан буён ҚР ва жаҳон чемпионати, спартакиадаси, параолимпиадасининг кўп карра чемпиони, ғалаба байроғини баланд тутган мураббий, фахрий спортчи Тўймурод Ешимов ўз тажрибаси билан ўртоқлашди.

Туман маданият, тилларни ривожлантириш, жисмоний тарбия ва спорт бўлими раҳбари Мади Нурлибаев беллашувда Қизилўрда, Манғистов, Жамбил, Қўстанай, Шимкент, Туркистон минтақаларидан, шунингдек, Туркистон вилоятининг туман ва шаҳарларидан 14та жамоа иштирок этаётганлигини маълум қилди. Умуман, минтақалар ва туман, шаҳарлардан 19та жамоа, 228 спортчи омадини синади. 

Мусобақа натижаларига кўра, қизлар ўртасида 1-ўринни шимкентлик Томирис Қўсар, 2-ўринни сайрамлик Шоҳруза Шавкатова, 3-ўринни Ойдин Комилжонова эгаллади. Ўғил болалар ўртасидаги беллашувда 1-ўрин шимкентлик Марлен Жумағул, 2-ўрин жетисайлик Ўринбасар Есимхан, 3-ўрин шимкентлик Абай Жумағулга насиб этди.