Ижтимоий ҳимояга муҳтож юртдошларимизнинг асосий қисми озиқ-овқат маҳсулотлари нархининг қимматлашганидан норози. Президент Қ. Тўқаев нарх-навони барқарорлаштириш юзасидан Ҳукуматга зарур чора ва тадбирларни амалга оширишни топширган бўлишига қарамай, аҳвол ҳали-вери изга тушмаяпти. Масалан, қанд ва шакар нархининг ошгани. 

Қозоғистон Республикаси Ҳукуматининг кенгайтирилган йиғилишида ушбу масалага алоҳида тўхталган Давлат раҳбари ҳозирги кунда мамлакатимиздаги еттита қант заводининг тўрттасигина фаолият юритишини, қанд ва шакар танқислигига асосий сабаб, ҳукуматнинг тезкор равишда тегишли чоралар кўрмагани туфайли, дея таъкидлади. Бундай камчиликларга йўл берган  ҚР Савдо ва интеграция вазири Бахит Султанов ҳамда ҚР Қишлоқ хўжалиги вазири Ербўл Қарашукеевга хайфсан эълон қилди. 

Сўнгги тўрт йилда қанд лавлагиси етиштириладиган майдонлар 3 бараварга камайиб, республика аҳолисининг қандга эҳтиёжи, асосан, экспортга боғлиқ бўлиб қолгани ҳам ачинарлидир. 

Мутасадди давлат органлари йиғилишда айтилган гаплардан хулоса чиқариб, ўз фаолиятларини жонлантиришади, дея умид қиламиз.