Елімізде МӘМС жүйесі енгізілгелі азаматтардың  денсаулығына деген жауапкершілігі де арта бастады. Халық бұрынғы қасаң ұғымнан арыла бастады деп ойлаймын.  Бұл бағытта алда атқарылар іс- шаралар да өте көп!

Бастысы, "мен ауырмаймын, маған сақтандырудың қажеті жоқ" деген жаңсақ түсініктен аулақ болғанымыз жөн!

Неге деген орынды сұрақ туындайды?

Ия! Өте орынды сұрақ!

Бұл сұраққа мен онкологияда 30 жылдан астам дәрігер ретінде жауап берейін.

1. Онкологиялық аурулардың алғашқы кезеңде клиникалық көрінісінің болмауы;

2. Тұқым қуалаушылық, әсіресе, онкология және қант диабеті сияқты аурулар;

3. Ауырып ем іздегенше, ауырмайық деген ұғым;

4. Қауіпті ауруларға соқтыратын немесе ықпал ететін ауруларды анықтау сауықтыру;

5. 1-2 сатысында қатерлі ісікті емдеуге болатыны және 80-100% кепілдік берілетіні.

Осы аталғандарды ескерсек, профилактикалық және скринингтік тексеруден қағаз жүзінде емес шынайы өтудің маңызы зор екеніне көзіміз жетеді. Ал қымбат КТ және МРТ сияқты құралдардан тегін өту мүмкіндігі,  қанша рет болса  да қол жетімді. Тек МӘМС қатысушы болсаңыз болғаны.

Ендеше, өз денсаулығыңыз өз қолыңызда!