10 йил давомида минтақада 292та мактаб қурилди. Шу жумладан, 134та мактаб вилоят ташкил этилганидан бунёд барпо этилди. 

2020 йилдан бошлаб таълим тизимини бошқаришнинг янги шакли жорий этилиши муносабати билан соҳани бошқариш ва бюджет маблағларини тақсимлаш вазифалари туман даражасидан вилоят даражасига ўтказилди. Шу муносабат билан 2021 йилдан бошлаб, вилоят қурилиш бошқармаси мактаблар қурилишининг буюртмачиси сифатида тасдиқланди. Бунгача туман ва шаҳар ҳокимликлари мактаб қурилишига буюртмачи бўлган.

Вилоят қурилиш бошқармасининг маълумотларига кўра, қурилаётган мактабларни туман ва шаҳар ҳокимликларидан ўтиш даврида қабул қилингани туфайли қурилишни ўз вақтида молиялаштиришда муаммо юзага келган.

Бундан ташқари, жаҳондаги пандемия ва қурилиш ашёлари нархининг ошиши муносабати билан бинокорлик ташкилотларининг лойиҳа-смета ҳужжатларини амалдаги қонунчиликка мувофиқ қайта кўриб чиқиш тўғрисидаги мурожаатлари ишларнинг сустлашувига олиб келди. Давлат бюджетидан молиялаштириладиган иншоотлар қурилиши таннархини ошириш билан боғлиқ муаммолар Ҳукумат даражасида кўриб чиқилди.

Шунингдек, қийинчиликларга қарамай, ажратилган маблағлар ҳисобидан 2021 йилда 11150 нафар ўқувчига мўлжалланган 44та мактаб, 2022 йилда 4800 нафар ўқувчига мўлжалланган 21та мактаб фойдаланишга топширилди.

Вилоят ҳокими Дархан Сатибалдининг топшириғига кўра, қурилиши тўхтаб қолган таълим муассасаларининг муаммолари қатъий назоратга олинган. Масъулиятсиз пудратчилар рўйхати тайёрланган.

Бугунги кунга қадар қурилиши 2023 йилга ўтказилган 33та мактабнинг 17тасига 2017, 2018, 2019 йилларда ишлаб чиқилган лойиҳа-смета ҳужжатларини амалдаги қонунга мувофиқ қайта ҳисоб-китоб бўйича пудратчи ташкилотлардан мурожаатлар келган. Лойиҳа-смета ҳужжатларидаги нарх 2023 йилги нархларга нисбатан 2017 йилда 130 фоизга, 2018 йилда 80 фоизга, 2019 йилда 50 фоизга ошгани аниқланди.

Бугунги кунда 17та муаммоли мактабнинг 3тасида (Қазиғурт туманидаги 100 ўринли, Ўтрор туманидаги 100 ўринли, Ўрдабоши туманидаги 300 ўринли) қурилиш пудратчиларнинг шартномага риоя қилмагани учун бекор қилинган. Бундан ташқари, шартнома талаблари бажарилмагани учун Ўрдабоши туманидаги 600 ўринли ва 300 ўринли, шунингдек, Мақтаарал туманидаги 200 ўринли мактабларнинг пудратчиларини давлат харидларининг масъулиятсиз иштирокчиси, деб топиш юзасидан судга даъволар берилди.

Қолган 10та мактабда қурилиш ишлари сустлашса ёки шартнома талаблари бажарилмаса, қонун доирасида чоралар кўрилади.

Муаммоли мактаблар масалаларини ҳал қилиш мақсадида шартнома талабларига риоя қилмаганлиги ўз мажбуриятларини бажармаганлиги сабабли шартномалари бекор қилинган пудратчи ташкилотларнинг харажатлар сметаси қайта кўриб чиқилади.

Давлат харидлари порталида экспорт хулосаси олингач, тендер эълон қилинади ва танлов натижасида аниқланган янги пудратчи ташкилотлар билан шартнома тузилади. Пудратчи ташкилотлар қурилиш ишларини қисқа муддатларда якунлашлари шарт.