Ҳиндистон пойтахти Деҳлида хотин-қизлар ўртасида боксдан жаҳон чемпионати ниҳоясига етди. Мусобақа натижаларига кўра, тажрибали мураббий Шамил Сафиуллиннинг шогирдлари 2та кумуш, 4та бронза медалига сазовор бўлишди. Иккинчи кумуш медални ўта оғир вазндаги (+81 кг.) Лаззат Кунгейбаева қўлга киритди.

Ҳамюртимиз жаҳон чемпионатининг икки карра совриндори, марокашлик Хадича Эл-Марди билан беллашиб, очколар ҳисобида ғалаба қозонди. Лаззат 2014 йилги чемпионатда кумуш, 2016 чемпионатда эса олтин медални қўлга киритган эди. 

Лаззат Кунгейбаева 1987 йилда Чордара туманида туғилган. Астана шаҳрида истиқомат қилаётган Лаззат пойтахтда дзюдо ва самбо билан шуғулланиб, самбодан уч карра Қозоғистон чемпиони, икки карра Осиё чемпиони бўлган. Боксга кеч кириб келишига қарамай, бугунги кунда жаҳон ва Осиё чемпионлигига эришди.

Ҳиндистонда биринчи кумуш медални Карина Ибрагимова қўлга киритди. Алуа Балқибекова (48 кг.), Надежда Рябец (66 кг.), Валентина Халзова (75 кг.) ва Фариза Шўлтай (81 кг.) жаҳон чемпионатининг бронза медалига сазовор бўлди. Деҳлидаги жаҳон чемпионатида Қозоғистон терма жамоаси умумжамоа ҳисобида 8-ўриндан жой эгаллади.