Шимкент шаҳрининг Сайрам даҳасидаги Шимкент шаҳар ўзбек драма театр биносида ўтган Қоратов туман ўзбек этномаданият бирлашмасининг йиғилишида Кенгаш аъзолари, тафтиш комиссиясининг янги таркиби, шунингдек, жорий йилги иш режаси тасдиқланди.

Раис Н. Имомсидиқов бирлашманинг мақсад ва вазифалари, галдаги режалар ҳақида фикр юритиб, асосий мақсад жамиятдаги ҳамжиҳатлик ва бирликни мустаҳкамлаш эканини таъкидлади.

Унинг тавсиясига кўра, бирлашма қошида фаолият юритадиган оқсоқоллар, ёшлар, хотин-қизлар, таълим кенгашлари, спорт, 

сайёҳлик, маданият, адабиёт ва ижодкорлар билан ишлаш, соғликни сақлаш, дин ишлари ҳамда ОАВ билан алоқа йўналишлари бўйича масъул этиб Ҳ. Аҳмадхонов, Э. Орзиқулов, К. Ирисматова, Н. Саидхўжаев, Ш. Эралиев, И. Турсиматов, Б. Бегматов, А. Айметов, А. Исохўжаев, О. Маҳмудов, М. Бозорбоевалар тасдиқланди.  

Йиғилишда Шимкент шаҳар ўзбек этномаданият бирлашмаси раиси Т. Нишонбоев, бирлашма фаоллари Ҳ. Аҳмадхонов, Н. Ҳошимова, З. Мўминжоновлар ўзбек этномаданият бирлашмасининг келгусидаги фаолиятига оид таклиф ва мулоҳазаларини билдиришди.