Туркистонда вилоятнинг 5 йиллиги муносабати билан ўтказилаётган “Санъаткор ўлка” вилоят санъат фестивали доирасида Тўлебий туманининг маданият кунлари бошланди. 

Тадбирни Тўлебий тумани ҳокимининг ўринбосари Сержан Дуйсебаев очиб, туманда эришилаётган ютуқлар, санъат беллашувининг аҳамияти ҳақида сўз юритди. Шунингдек, шаҳар аҳолиси ва меҳмонларини уч кун кетма-кет ўтказиладиган маданий-маънавий тадбирларни томоша қилишга таклиф қилди.

Этноовулда Миллий спорт мусобақалари ташкил этилди. Сўнг оқинлар айтишуви уюштирилиб, хонандалар куй-қўшиқлар ижро этишди. 

“Миллий анъана – тарбия манбаи” мавзуида “Беташар” анъанаси намойиш этилди.

Этноовулда 15 апрель куни соат 10:00дан 19:00га қадар “Муқаддас юртим, она Ватаним – менинг заминим!” мавзуида мўйқалам усталари ва ҳунармандларнинг кўргазмаси, соат 11:00да “Китоб саёҳати – 2023” тадбири ўтказилди. 16 апрель куни соат 18:00да Тўлебий тумани санъаткорлари иштирокидаги катта концерт Туркистонда ўтказиладиган туман маданият кунларининг ёрқин байрамига айланди. 

Келгуси 4 ой давомида ҳар ҳафта туман-шаҳарлар ўз санъатини намойиш этади.