Вилоятимизда касбий ва оммавий спортни ривожлантиришнинг янги режаси ишлаб чиқилади, бу соҳада вилоят салоҳиятидан тўлиқ фойдаланилмаяпти. Бу ҳақда вилоят ҳокими Д. Сатибалди раислигида ўтказилган  девон йиғилишида маълум қилинди. Вилоят раҳбари мутасадди бошқармага спорт соҳасини ривожлантиришни жонлантириш, туб ўзгаришларни  амалга ошириш юзасидан аниқ топшириқлар берди.

– Вилоятда оммавий спортни ривожлантириш, соғлом турмуш тарзини шакллантириш ишларини янада кучайтириш зарур. Соҳада жуда кўп муаммолар мавжуд. Халқаро мусобақалардаги натижаларни яхшилаш керак. Барча муаммоларни маблағ билан боғлаб бўлмайди. Бундан ҳам оғир даврларда чемпионимиз Б. Саттарханов майдонга чиқди. Оммавий спортни ривожлантирувчи тадбирлар, мусобақалар ва марафонлар сонини кўпайтириш зарур, – деди Д. Сатибалди.

Футбол клубларини молиялаштириш учун ҳомийларни жалб этиш, кучли рақобатбардош жамоани шакллантириш, маблағни Олимпия ва бошқа спорт турларига йўналтириш, “Артспорт” дастурига ўз спорт иншоотларига эга тадбиркорлар ва малакали мураббийларни таклиф этиш, спорт федерациялари фаолиятини жонлантириш, малакали кадрлар ва мутахассисларни жалб этиш масалалари муҳокама қилинди.