Сайрам тумани ҳокими Арман Сабитов “АMАNАТ” партияси жамоатчилик қабулхонасида фуқароларни шахсий масалалари бўйича қабул қилди.

Фуқаролар томонидан кўтарилган масалаларнинг аксарияти инфратузилма, оғир юк машиналарининг йўлда юриши, миллий спорт турларини ривожлантириш, жамиятда барқарорлик ва ҳамжиҳатликни мустаҳкамлашга доир эди. 

Қурлиқ қишлоғидан ташриф буюрган Б. Қулжабаев қўшимча сув қудуғини қазиш ва ўрнатилган симёғочларга тортилган электр симлари ҳолатини назорат қилиш, шунингдек, асфальтланмаган кўчаларни таъмирлашни сўранди. Дарҳақиқат, бу аҳоли манзилидаги Қ. Жумабаев кўчасини таъмирлаш 2024 йилнинг режасига киритилган. Шу кунгача қишлоқдаги давлатга қайтарилиши режаланган 1029,52 гектар яйловнинг 749 гектари қайтарилган.

Туман ҳокими Интимақ қишлоғида истиқомат қилувчи 

М. Сатпаевнинг камондан отиш спортини ривожлантириш бўйича мурожаатига жавоб бериб, бу масалани вилоят даражасида ҳал этиш имкониятлари қараб чиқилишини маълум қилди.

А. Сабитов қабул чоғида маҳаллий даражадаги масалаларни жойларда зудлик билан ҳал қилишни қишлоқ ҳокимларига топширди. Туман раҳбари барча фуқароларнинг саволларини диққат билан тинглаб, мавжуд муаммоларни ҳал қилишга қаратилган лойиҳа ва режаларга алоҳида тўхталди. 

Тадбирда “АMАNАТ” партияси туман бўлими ижроия котиби Қуаниш Сиздиқов, туман ҳокимлигининг бўлим мудирлари ва қишлоқ ҳокимлари иштирок этди.

Қабул якунида туман ҳокими А. Сабитов кўтарилган масалалар эътибордан четда қолмаслиги, билдирилган таклифлар асосида аниқ чора-тадбирлар кўрилишини маълум қилди.