Саврон тумани, Эски Иқон қишлоғига газ берилди. Энди аҳоли “зангори олов”ни уйларига тортиб олишлари зарур. Шу муносабат билан вилоят ҳокими Дархан Сатибалди Эски Иқонга бориб, аҳолининг қувончига шерик бўлди.

2019 йилда қурилиши якунланган иншоот беш йилдан буён тўхтаб турганди. Шу даврда вилоят бюджетидан 1,1 млрд. тенге маблағ сарфланган. Асосий газ қувури 2021 йилда фойдаланишга топширилган. Унинг узунлиги 112 чақиримдан зиёд.

Мазкур “соқолли” қурилишни ўз назоратига олган минтақа раҳбари мутасаддилар ва пудратчига вазифалар юклаб, муаммо ҳал қилинмоқда. 

Бугунги кунда қишлоқда 20 мингга яқин аҳоли, 2300дан зиёд хонадон мавжуд. Иқонликлар турмуш тарзини қулайлаштирадиган табиий газ учун вилоят раҳбарларига миннатдорчилик билдирди. 

Таъкидлаш жоизки, вилоятимизда табиий газга оид муаммолар мавжуд. Чунончи, 2018-2021 йилларда қурилиши ниҳоясига етказилган бўлса-да, 33та аҳоли манзили турли сабабларга кўра, табиий газга уланмай қолган эди. Ушбу масалалар навбати билан ҳал этилиб, бугунги кунда 16та қишлоққа газ берилди, қолгани йил охиригача уланади. Бундан ташқари, Мақтаарал, Жетисай, Сариоғоч, Келес туманларидаги автомат газ тақсимлаш станцияларининг қуввати оширилди.