Вилоят ҳокими ўринбосари Бейсен Тажибаев  Сайрам туманига махсус хизмат сафари билан ташриф буюрди. Сафар чоғида минтақа раҳбарининг ўринбосари Қарасу қишлоқ округидаги касалхонанинг фаолияти билан танишди.

Мутасадди бошқармага Б. Тажибаев янги лойиҳадаги касалхона иморатининг қурилишини  режага киритишни  топширди.

Сўнг туб таъмирдан ўтаётган “Куншуақ” боғчасини текширди. Б. Тажибаев соҳа мутахассисларига таъмир ишларини вақтида ва сифатли якунлашни топширди. Вилоят раҳбарининг ўринбосари Манкент қишлоғидаги шифокорлик-амбулатория фаолияти билан танишди, туман вакилларини шахсий масалалари бўйича қабул қилди. Шахсий қабулга ёзилганлар кутубхона биносини барпо этиш, шифохона, мактаб барпо этиш, мавжуд мактаблар биносини таъмирлаш таклифларини киритишди. Туман марказий кутубхона биноси 1968 йили барпо этилиб, сўнгги бор 2011 йилда таъмир ишлари юритилган. Унинг айтишича, бу ерда китоб сақлайдиган омбор ўринлари тақчил. Бу борада Б. Тажибаев янги намунадаги кутубхонанинг тайёр лойиҳаси мавжудлигини айтди. Шунингдек, Манкент қишлоғи вакили тез тиббий санитария ёрдамини кўрсатиш марказини барпо этиш зарурлиги масаласини  кўтарди.

Қабул чоғида тегишли бошқарма ва бўлим раҳбарларига топшириқлар берилди.