Иккита варақа Мажлис депутатларини, учтаси эса маслаҳат депутатларини сайлашга мўлжалланган.

Мажлис ва маслаҳатларга сайлашда овоз бериш учун Қозоғистон фуқароларига сайлов варақаларининг бешта тури тавсия қилинади. 

Марказий сайлов комиссияси 19 март куни ўтадиган сайлов учун варақаларнинг қуйидаги турларини тасдиқлади:

-партиявий рўйхатлар бўйича сайланадиган Парламент Мажлиси депутатларини сайлаш бўйича овоз бериш учун (кўк рангли);

-бир мандатли ҳудудий сайлов округлари бўйича Парламент Мажлиси депутатларини сайлаш бўйича овоз бериш учун (яшил рангли);

-партиявий тизим бўйича сайланадиган вилоятлар, республика аҳамиятига молик шаҳарлар ва пойтахтлар маслаҳатлари депутатларини сайлашда овоз бериш учун (бинафшаранг);

-бир мандатли ҳудудий сайлов округлари (қизғиш-сариқ рангли) бўйича сайланадиган вилоятлар, республика аҳамиятига молик шаҳарлар ва пойтахтнинг маслаҳатлари депутатларини сайлашда овоз бериш учун;

-шунингдек, бир мандатли ҳудудий сайлов округлари бўйича сайланадиган вилоят аҳамиятига молик шаҳарлар ва туманларнинг маслаҳатлари (кулранг).

Сўнгги варақа Астана, Алмати ва Шимкент шаҳарлари сайловчиларига мўлжалланмаган. Республика аҳамиятига молик шаҳарларнинг аҳолиси фақат 4та варақа олади.

Мазкур сайловдаги варақалар А5 шаклида бўлади.