Астана  шаҳридаги «AMANAT» партияси “Ёшлар маънавияти” ёшлар қаноти томонидан ташкил этилган “Қайсар” ҳарбий-ватанпарварлик ўйинлари якунланди.

Саралаш босқичида 3000 нафардан зиёд  ёшлар орасидан саралаб олинган ва финал босқичига йўлланма олган 120 нафар иштирокчи икки кун давомида ўзаро беллашди. Улар узоқ масофаларга югуришди ва махсус ҳарбий тўсиқлардан ўтишди. Шу билан бирга, “Менинг юртим – Қозоғистон” мавзуидаги ҳарбий  викторинада ҳарбий тайёргарлик даражасини кўрсатиб, билимини оширди.

Мусобақа якунларига кўра Туркистон вилояти жамоаси биринчи ўринни эгаллаган бўлса, Қарағанди  вилояти вакиллари иккинчи ўринни эгаллади. Алмати  шаҳри жамоаси эса учинчи ўринга лойиқ топилди. Ғолибларга қимматбаҳо совғалар топширилди.

Ғолибларни тақдирлаш маросимида партия котиби Даулет Карибек “Қайсар”нинг асосий мақсади ёшларда ватанпарварлик руҳини уйғотиш, уларнинг ҳарбий хизматга қизиқишини ошириш эканини таъкидлади.

Туркистон вилояти терма жамоаси аъзоси Стас Грачевнинг айтишича, ғалаба осонликча қўлга киритилмаган, аммо бу вақт ичида болалар янги дўстлар орттирган.

Эслатиб ўтамиз, партия ёшлар қаноти мазкур лойиҳа ишга туширилгани ҳақида ўтган йили «AMANAT»нинг навбатдан ташқари XXII  съездида  маълум қилган эди.