Туркистон вилоят “Ёшлар имконият маркази” ташаббуси билан туман ва шаҳар ёшлари ўртасида “Қишлоқда бир кун” вилоят танлови ўтди. 

Ёшлар ўртасида анъана ва урф-одатларни улуғлаш, ёшларда миллий қадриятлар ва маънавий фазилатларни ривожлантириш мақсадида ташкил этилган танлов тўрт босқичдан иборат бўлди. Жумладан,  биринчи босқичда ўғил болалар ўртасида миллий ўйинлар мусобақаси ўтказилиб, қизлар миллий таомлар тайёрлашди. Иккинчи  босқичда жамоалар анъаналар  ва тарих доирасида саволларга жавоб бериш бўйича беллашдилар. Учинчи босқичда миллий ҳунармандчилик буюмларини ясаш бўйича танлов уюштирилиб, тўртинчи  босқичда ўғил болалар қўй жунини қирқиш мусобақасида иштирок этишса, қизлар миллий таомлар танловида қатнашишди.

Ғолиб гуруҳларга совғалар ва пул мукофотлари топширилди. Ҳакамлар ҳайъати қарорига кўра, “Қазиғурт” жамоаси бош совринни қўлга киритди. Биринчи ўринни “Сўзоқ” жамоаси қўлга киритган бўлса, “Ўтрор” жамоаси иккинчи ўринни эгаллади. Учинчи совринли ўрин “Саврон” жамоаси насиб этди. “Энг яхши жамоа” номинацияси соҳиби “Байдибек” жамоаси, “Энг яхши иштирокчи” туркистонлик Қалдибай Алия бўлди.