Ўрдабоши тумани, Мақташи қишлоғида С. Исабеков номидаги 200 ўринли мактаб фойдаланишга топширилди. Ўқув масканининг очилиши ва ўқув йили якунланиши муносабати билан ташкил этилган тадбирда туман ҳокими Нурбек Бадирақов иштирок этиб, аҳолини қўш шодиёна билан қутлади.

Тадбирдан сўнг туман ҳокими, қишлоқ оқсоқоллари, фахрий устозлар ва соҳа мутахассислари янги мактабнинг ички қисмини кўздан кечиришди. Ўз навбатида туман раҳбари мактабнинг хотира китобига ўз тилагини ёзиб қолдирди.

– Давлат раҳбари ҳокимликларга мактаблар қуришни топширган. Таълим сифатини ошириш ҳам устувор вазифалардан бири сифатида белгиланган. Туманимиз тадбиркорлари мактаб қуришда саховат кўрсатишмоқда, – деди туман раҳбари.

Маросимда қурилиш ташкилоти раҳбари томонидан мактабнинг рамзий калити мактаб директорига топширилиб, таълим масканининг рамзий тасмаси қирқилди.

 Мактаб қурилиши 2021 йил июль ойида бошланган. Смета қиймати 840 млн. тенге.

2022-2025 йилларда туманда жами 10557 ўринли 13та давлат (7200 ўқувчига мулжалланган) ва 8та хусусий (3357 ўқувчига мўлжалланган) мактаблар қурилиб, фойдаланишга топшириш режаланган.