Х. А. Яссавий номидаги халқаро қозоқ-турк университетининг Маданият марказида фаол талабаларни «Яссавий юлдузи» деб номланган тақдирлаш маросими ўтди. Унда Туркистон вилояти ҳокимининг ўринбосари Бейсен Тажибаев иштирок этди ва университет талабаларининг Туркистонни ёшлар шаҳрига айлантиришга қўшган улкан ҳиссаларини таъкидлади.

– Ушбу таълим муассасаси мустақиллик йилларидан бери Туркистон шаҳри тараққиётига хизмат қилиб келмоқда. У бутун  мамлакат бўйлаб халқаро мақомга эга бўлган биринчи университет сифатида танилган. Икки қардош давлат ташаббуси билан ташкил этилган таълим маскани туркий олам ёшларини бирлаштириш учун ажойиб майдонга айланди. Дарҳақиқат, Туркистонни ёшлар шаҳрига айлантиришда сизнинг ҳиссангиз катта, – деди вилоят ҳокими ўринбосари Б. Тажибаев.

Университет ректори Жанар Темирбекова тадбир мақсадини қайд этиб, ўқув йили давомида фаол бўлган талабаларга миннатдорчилик билдирди.

Тадбирда фаолларга вилоят ҳокимининг ташаккурномаси топширилди.