6-7 ноябрь кунлари Туркистон шаҳрида «KZ инновациялық технологиялар ҒӨО» МЧБ ва вилоят қишлоқ хўжалиги бошқармаси ҳамкорлигида  «Туркистон вилояти қишлоқ хўжалигига полимер-минерал материалларни жорий этиш» мавзусида халқаро семинар  ўтди.

Тадбирдан кўзланган мақсад – сувни тежайдиган ва гидроизоляция  материалларидан фойдаланган ҳолда Туркистон минтақасида ернинг намлиги ва ҳосилдорлигини ошириш имкониятларини ўрганиш бўйича ишлар натижалари билан таништириш эди. Семинар вилоятимиз агросаноат мажмуасида сувни тежаб,  ҳосилдорликни ошириш имконини беради.

Тадбирнинг очилиш маросими ва дастлабки куни Ўтрор туманида  ўтди. Унда ҚР Сув хўжалиги ва ирригация, қишлоқ хўжалиги вазирликлари вакиллари, Ўтрор тумани ҳокими Сакен Султанханов, Ўзбекистон, Россия, Шимкент ва Туркистон вилояти қишлоқ хўжалиги соҳаси олимлари ва меҳнат фахрийлари иштирок этди.

Семинарнинг иккинчи кунида вилоят ҳокимининг ўринбосари Ермек Кенжеханули иштирок этди. У олимлар билан фикр алмашиб, вилоятда қишлоқ хўжалигини ривожлантиришда илмий изланишлар натижаларига устувор аҳамият қаратилаётганини таъкидлади.