Қозоғистоннинг пойтахти Астана шаҳридаги "Дўстлик уйи"да ҚР Маданият ва ахборот вазирлиги билан "Жамоат тотувлиги" республика давлат корхонаси шафелигида Қозоғистон халқи Ассамблеясининг этножурналистика соҳасидаги «Шаңырақ» республика ижодий танловининг ғолибларини шарафлаш ва мукофотлаш тадбири юксак савияда ўтди.

Танлов давомида ҚХА фаолиятини, лойиҳаларини матбуотда ёритиб, обрусини оширадиган, жамоат тотувлиги ва умуммиллий ҳамкорликни ривожлантиришда давлат сиёсатини атрофлича тарғиб қиладиган илғор муаллифлар – қалам аҳли саралаб олинди.

Танловда республика, вилоят ҳамда этнооммавий ахборот воситалари вакиллари иштирок этди. Тантанали тадбирда танлов ғолиблари диплом ва пул мукофотлари соҳибларига айланишди.

Улар сафида Туркистон вилояти журналистикасининг илғор вакили, ҚР Журналистлар уюшмаси аъзоси, «Жанубий Қозоғистон» вилоят ижтимоий-сиёсий газетаси бош муҳаррирининг муовини Авазхон Абдуфаттоҳ ўғли Бўронбоевнинг ҳам борлиги қувонарли. 

Авазхон Абдуфаттоҳ ўғлини ижодда эришган ютуғи билан самимий табриклаймиз, ҳамкасбимизга мустаҳкам соғлик ва ижодий баркамоллик ҳамиша ёр бўлсин!