Вилоятимизда сармоя жалб қилиш, индустрлаштириш ишларига алоҳида эътибор қаратилмоқда.

– Жорий йил 10 ойи натижаларига кўра, вилоятнинг ижтимоий-иқтисодий тараққиётидаги ўсиш кўрсаткичлари қувонарли. Ялпи маҳсулот ҳажми 3 трлн. тенгедан ошди. Минтақада заводлар қуриш, сармоя жалб қилиш ишларига эътибор кучли. Хорижлик йирик компаниялар билан музокаралар юритилмоқда, – деди вилоят ҳокими Дархан Сатибалди. 

«Қазатомөнеркәсіп» ҲЖ уран ишлаб чиқарувчи компаниялар илтимосига мувофиқ, Сўзоқ туманида олтингугурт ишлаб чиқарадиган завод қуришни режалаштирмоқда. Лойиҳа қиймати 100 млрд. тенге. Натижада 250 янги иш ўрни очилади. Бугунги кунда завод учун ер ажратилди. 

Минтақа саноат салоҳияти тараққиётига имкон берадиган қатор муҳим лойиҳаларни амалга ошириш режаланган. Қайта ишлаш саноатида 20та лойиҳа ишга туширилиб, 594та иш ўрни очилиши кутилмоқда. Шу кунгача 384та янги иш ўрни билан умумий қиймати 11 млрд. тенгени ташкил қиладиган 10та лойиҳа ишга туширилди. 

Вилоят иқтисодиётига жалб қилинган сармоя ҳажми 751 млрд. тенгедан ошди. Бевосита хорижий сармоялар ҳажми 225,3 млн. АҚШ долларини ташкил қилди. 2026 йилгача 16467та янги иш ўринлари очилиши режаланган.