Туркистон шаҳрида 5-халқаро зотдор қўйлар кўргазмаси ўтди. “Туркистон” шоу аренасида ўтган кўргазмада Россия, Қирғизистон, Ўзбекистон, Тожикистон, Ингушетия, Мўғулистон, Молдова, Қозоғистондан 200 нафарга яқин фуқаро иштирок этди.

Тадбирнинг очилиш маросимида вилоят ҳокими ўринбосари Ертай Алтаев иштирок этди. Тадбир ташкилотчилари ва чорвадорларга миннатдорчилик билдириб, омад тилади.

– Қўйчилик азалдан халқимизнинг энг катта миллий бойликларидан бири, асосий ҳунармандчик соҳаси бўлиб келган. Чорвачиликда доимо от ва қўйларга алоҳида эътибор қаратилилган. Халқимизз қўйларни боқиш, уларни кўпайтиришнинг ўзига хос усулларини ишлаб чиққан. Вилоятимизда наслдор қўйларнинг улуши 13 фоизни (581 минг бошдан зиёд)ни ташкил этади Охирги 10 йилда чорвачиликда сондан кўра сифатга эътибор кучайтирилмоқда, – деди вилоят ҳокими ўринбосари ва минтақа чорвадорлари ушбу халқаро тадбир туфайли қўшни давлатлар билан ўзаро ҳамкорликни мустаҳкамлаш, маҳаллий чорвадорларнинг ўзига хос тажриба орттиришига ишонч билдирди.

Тадбир доирасида қўйларнинг энг оғир вазни ва бўйи, ташқи кўриниши бўйича танловлар уюштирилди. Ғолиблар 45 номинация бўйича аниқланди. Ҳакамлар ҳайъати қарорига кўра, энг яхши қўй эгалари мотоцикл, телевизор, музлатгич ва ва бошқа қимматбаҳо совғалар билан тақдирланди. Умумий мукофот жамғармаси 30 минг долларни ташкил этди.

Кўргазмада илк бор Гиннеснинг рекордлар китобига киритилган “Байсари” наслли қўй зоти намойиш этилди, унинг вазни 231 кг.

Таъкидлаш жоизки, Туркистон вилояти чорвачиликни риожлнтириш бўйича республикада етакчи ўринни эгаллайди. Республикамиздаги қорамоллар сонининг 12 фоизи (970,1 минг бош), қўйнинг 23 фоизи (4135 минг), отнинг 11 фоизи (430,7 минг), туянинг 15 фоизи (41 минг), шунингдек, етиштирилган гўштнинг 12 фоизи (245,8 минг т.), сутнинг 13 фоизи (147 минг тонна) вилоятимиз улушсига тўғри келади.

Республикада экспорт қилинадиган қорамол гўштининг 80 фоизи, қўзи гўштининг 75 фоизи вилоятимиз улушига тўғри келади.