Туркистон вилоят маданият бошқармаси шафелигида Ахмет Байтурсинов таваллудининг 150 йиллигига бағишланган бадиий сўз усталарининг вилоят танлови ўтди.
Икки босқичдан иборат танловнинг дастлабки босқичида туман ва шаҳарларда март-апрель ойларида саралаш танловларидан муваффақиятли ўтган иштирокчилар куч синашди. Мамлакатимизда давлат тилининг қўлланиш доирасини кенгайтириш, тил маданиятини юксалтириш, бадиий адабиётни тарғиб қилиш, иқтидорли ёшларни қўллаб-қувватлаш мақсадида ташкил этилган танловда 16-28 ёшли ўқувчи ва талабалар иштирок этди.
М. Ауезов номидаги Жанубий Қозоғистон университети журналистика факультети 2-курс талабаси Қанат Жўлдасбеков 3-ўринни, Ал-Форобий номидаги умумтаълим мактабининг 10-синф ўқувчиси Айман Жалғасова 2-ўринни, Ўрдабаси тумани, М. Жумабаев номидаги умумтаълим мактабининг 10-синф ўқувчиси Шуғила Бадай 1-ўринни эгаллади.
Мусобақа якунларига кўра, бош совринга Арис шаҳри, А. Тлеубердин номидаги умумтаълим мактабининг 10-синф ўқувчиси Аяна Ўринбасар сазовор бўлди.
Ғолибларга махсус диплом ва эсдалик совғалари топширилди.