Индустрия ва инфратузилмавий тараққиёт вазири Марат Қарабаев Ўзбекистон Республикасининг Қозоғистон Республикасидаги Фавқулодда ва Мухтор Элчиси Саидикром Ниёзхўжаев билан учрашди. 

Томонлар саноат кооперацияси лойиҳаларини амалга ошириш, саноат, транспорт ва мудофаа-саноат мажмуаси соҳаларида ҳамкорликни кенгайтириш масалаларини муҳокама қилди.

Марат Қарабаев саноат кооперацияси соҳасида Қозоғистон ва Ўзбекистон 10 мингдан зиёд иш ўрни яратиш билан умумий қиймати 2,1 миллиард долларлик 42та қўшма лойиҳа амалга ошираётганини таъкидлади. Улардан Қозоғистон Республикаси ҳудудида – 29та, Ўзбекистон Республикасида – 13та.

Шунингдек, учрашув давомида транспорт соҳаси лойиҳалари, хусусан, «Дарбаза-Мақтаарал» темирйўл линиясини қуриш масалалари муҳокама қилинди.

«Дарбаза» станциясидан «Мақтаарал» станциясигача узунлиги 106 чақиримли темирйўл қурилиши лойиҳасини амалга ошириш «Сариағаш» назорат-ўтказиш пунктида юкларни тушириш ва йилига 10 миллион тоннагача қўшимча юк ташиш, шунингдек, Туркистон вилояти Мақтаарал тумани магистрал темир йўл линиясини асосий станцияга улаш имконини беради.

Марат Қарабаев ва Саидикром Ниёзхўжаев мамлакатлар ўртасидаги авиақатновларни кўпайтириш масаласини ҳам муҳокама қилдилар.